訪客 寫: ↑週二 8月 10, 2021 9:03 pm 中華人民共和國

出自維基百科，自由嘅百科全書
宗教
內文：中國宗教
雖然中國大陸官方實行無神論宣傳教育，但憲法規定中華人民共和國公民有宗教信仰自由。有相當比例中國人信仰各種宗教。中國主要宗教總共有五種：佛教、道教、基督教（新教）、天主教同伊斯蘭教。
呢五種宗教內部各自有一啲唔同嘅派別，好似基督教內嘅基督復臨安息日會、真耶穌教會同地方教會（基督徒聚會處）喺福建等一啲地方並唔參與政府提倡嘅聯合禮拜，而係舉行單獨聚會。呢五種宗教都具有全國性影響，並廣泛分佈全國大部分地區。其中以佛教同道教傳播歷史最耐（2000年），留低咗好多著名寺廟宮觀，到而家仍香火旺盛，多數同時作為旅遊景點向遊人開放。一般嚟講，佛教同道教喺南方省份有較大影響力。藏傳佛教喺西藏自治區同其他藏族地區具有極大影響力。小乘佛教係雲南傣族等民族所信奉。中國一共有回族、維吾爾族等十個民族全民信仰伊斯蘭教，穆斯林人數大概2000萬。喺西北地方嘅新疆、甘肅、寧夏、青海等省區分佈特別集中。官方統計信奉基督教（新教）有1800萬人，信奉天主教嘅有500萬人，但實際上重有為數更多信徒屬於未登記嘅場所（有人稱為家庭教會）。基督教（新教）同埋天主教喺各省嘅分佈相當懸殊，基督教（新教）信徒集中嘅6個省份喺河南、浙江、安徽、江蘇、山東同福建，天主教信徒最集中嘅省份喺河北。少數民族之中，僳僳族、苗族同朝鮮族信仰基督教嘅比重較大。